Дархан-Уул аймгийн улсын бүртгэлийн хэлтэс

Монгол орны аж үйлдвэрийн томоохон төв Дархан хотын анхны суурийг тухайн үеийн Давхрын төмөр замын өртөө, барилгын түүхий эдийн ордуудыг түшиглэн 1961 оны 10 дугаар сарын 17-ны өдөр тавьсан юм.
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн дагуу УИХ-ын 1994 оны 32 дугаар тогтоолоор Дархан хотыг Дархан-Уул аймаг болгон өөрчилсөн.
Тус хот нь хуучнаар эдийн засгийн харилцан туслалцах зөвлөлийн гишүүн орнууд болох Зөвлөлт Холбоот Улс, Болгар, Польш, Унгар, Чехословак, Герман зэрэг улсуудын техник, эдийн засгийн хамтын ажиллагааны тусламжтайгаар байгуулагдсан. Энэ ч утгаараа Дархан хотыг "Найрамдлын хот" хэмээн нэрлэсээр ирсэн.
Дархан-Уул аймаг нь Монгол Улсын хууль тогтоомж, төрийн бодлого, Засгийн Газрын үйл ажиллагааны хөтөлбөр, аймгийн Засаг даргын үйл ажиллагааны хөтөлбөрийг орон нутагтаа амжилттай сайн хэрэгжүүлж 2017 онд "Монгол улсын шилдэг аймаг", 2018 онд "Монгол улсын тэргүүний аймаг" -аар шалгарсан.
Монгол Улсын Ерөнхийлөгчийн 2011 оны 138 дугаар зарлигаар Дархан хот байгуулагдсаны 50 жилийн ойг тохиолдуулан манай аймаг "Хөдөлмөрийн гавьяаны улаан тугийн одон"-гоор шагнагдсан.

Дэлгэрэнгүй

АЙМГИЙН ДУРСГАЛТ ГАЗРЫН ФОТО ЗУРГИЙН ЦОМОГ

Аймгийн ИХТ-ын Тэргүүлэгчдийн хурлын 2012 оны 62 дугаар тогтоолоор Дархан-Уул аймгийн 8 бахархлыг нэрлэсэн Үүнд:

Дэлгэрэнгүй

Аймгийн түүх болон дурсгалт газар

ДАРХАН НУТГИЙН ТҮҮХ, СОЁЛЫН ДУРСГАЛУУД
Манай аймагт эрүүл агаар, цэвэр цэмцгэр гудамж, талбай, усан оргилуур бүхий цэцэрлэгт хүрээлэнгүүдээс гадна амралт, чөлөөт цагаа ая тухтай өнгөрүүлэх түүх соёлын дурсгалт газрууд олон байдаг. Тухайлбал: Дархан-Уул, Буурал-Уул, Мөөл-Уул (одоогийн Мойлын ам), Ноён Хонгор, Хатан-Уул, Чингис хаан 300 тайчуудыг дарсан түүхт газар, Орхон голын хөвөөн дэх Эртний хотын туурь, Зочин хад, Бичигт хад, Дүрс нарс, Харууцтай, Хонгор сумын нутагт байрлах Зулзагын голын амралт, Дардай, Шарын Цагаан нуур гэх мэт байгалийн үзэсгэлэнт болон түүх соёлын дурсгалт газруудыг нэрлэж болно.

HISTORICAL AND CULTURAL HERITAGES OF DARKHAN
You can enjoy fresh air, clean streets, squares, parks with fountains as well as many recreational places with historical and cultural monuments where you can spend your leisure time comfortably. There are many natural and historical sites in the territory of Darkhan-Uul province. For example, Darkhan mountain, Buural mountain, Mool mountain (currently Moilin Am), Noyon Khongor, Khatan mountain, Chinggis Khaan, a historical place where 300 Thais were defeated, the ruins of the ancient city on the banks of the Orkhon River, Zochin Khad, Bichigt Khad, Durs Nars, Kharuutstai and natural beauty and historical, cultural monuments such as Zulzaga River Resort, Dardai and Sharyn Tsagaan lake located in Khongor sum can be mentioned.

Дэлгэрэнгүй

АЙМГИЙН ГАЗРЫН ЗУРАГ, ГАЗАР ЗҮЙ, ХҮН АМ

Дархан-Уул аймаг нь Монгол орны хойд хэсэгт Хэнтийн нурууны салбар уулсын дунд Хараа голын зүүн хойд хөндийг хамарсан 327.5 мянган га газар нутагтай. Нийт газар нутгийн 70.7 хувь буюу 231.7 мянган га талбайг ХАА-н эдэлбэр газар эзэлдэг.
Тус аймгийн газар нутгийн хэмжээ бага боловч алт, шохойн чулуу, нүүрс, барилгын материалын төрөл бүрийн түүхий эд зэрэг байгалийн баялгийн нөөц ихтэй. Далайн түвшнээс 707 метрт өргөгдсөн харьцангуй нам дор газар байрладаг.
Манай аймгийн нутгаар Хэнтийн нуруунаас эх авч Орхон гол цутгадаг Хараа, Зулзага, Шарын гол, Орхон, Ерөө, Хүйтний, Хавчуун зэрэг голууд урсдаг.
Агаарын үнэмлэхүй их температур 7 дугаар сард 42.6 хэм, үнэмлэхүй бага температур нь 1 дүгээр сард -43.7 хэм хүрдэг. Жилд дунджаар 310-320 мм хур тунадас ордгийн 85-90 хувь буюу 284-290 мм тунадас дулааны улиралд унадаг.
Аймгийн төв болох Дархан хот нь Монгол улсын томоохон аж үйлдвэрийн төв бөгөөд дэд бүтэц сайн хөгжсөн, Улаанбаатар-Алтанбулагийн чиглэлийн олон улсын авто зам, Улаанбаатар-Сүхбаатарын олон улсын төмөр замын зангилаан дээр оршдог, төвийн эрчим хүчний системд холбогдсон, өндөр хурдны шилэн кабель, тоон системийн радио релейний шугам, хөдөлгөөнт холбооны үйлчилгээтэй, бусад аймагтай харьцуулбал нийтийн найдвартай, тогтмол хямд тээврийн хэрэгсэлтэй, хүмүүсийн амьдралын өртөг бага зэрэг давуу талтай.
Дархан-Уул аймаг нийт 102014 хүн амтай, үүнээс 85066 хүн Дархан хотод амьдардаг. Нийт хүн амын 63.8 хувийг 35 хүртэлх насны залуус, 55.2 хувийг хөдөлмөрийн насны хүн ам эзэлнэ. Аймгийн хэмжээнд 28862 өрх байгаагийн 29.1 хувь нь орон сууцны тусдаа байшинд, 51.0 хувь нь нийтийн зориулалтын орон сууцны байшинд, 1 хувь нь бие даасан тохилог сууцанд амьдардаг.
Засаг захиргааны нэгжийн хувьд Дархан, Орхон, Хонгор, Шарын гол гэсэн 4 сум, 26 багтай.

Дэлгэрэнгүй